ಪ್ರಶ್ನೆ 99: ನಮಗೆ ಯಾವಾಗ ಸಂತೋಷದ ಅನುಭವವಾಗುತ್ತದೆ?

ನಿಮ್ಮಲ್ಲಿ ಬಯಕೆಗಳು ಇಲ್ಲದಾಗ ಮತ್ತು ನಿಮಗೆ ಇತರರೊಂದಿಗೆ ಹಂಚಿಕೊಳ್ಳುವ ಮನಸ್ಸಾದಾಗ, ಸಂತೋಷದ ಅನುಭವವಾಗುತ್ತದೆ. ಎಲ್ಲಿ ಆಸೆಗಳು ಹಾಗು ಬಯಕೆಗಳು ಕೊನೆಗೊಂಡು ಹಂಚಿಕೊಳ್ಳುವ ಪ್ರವೃತ್ತಿ ಪ್ರಾರಂಭವಾಗುತ್ತದೋ, ಅಲ್ಲಿ ಸಂತೋಷವು ಇರುತ್ತದೆ. ಗತಕಾಲದ ನೆನಪು ಮಾಡಿಕೊಳ್ಳುವುದು ಸಂತೋಷವಲ್ಲ. ನೀವು ಸಂತೋಷವಾಗಿರುವಾಗ, ಬೇರೆ ಎಲ್ಲವನ್ನೂ ಮರೆತುಬಿಡುತ್ತೀರಿ.

ಸಂತೋಷವು ಕಳೆದುಹೋದ ಮೇಲೇ ನೀವು ಅದರ ನೆನಪಿನ ಮೊರೆಹೋಗುತ್ತೀರಿ. ಪ್ರಪಂಚದಲ್ಲಿ, ಜನರು ಇಲ್ಲವೇ ಸಂತೋಷದ ಕನಸು ಕಾಣುತ್ತಿರುತ್ತಾರೆ ಅಥವಾ ಸಂತೋಷವಾಗಿದ್ದ ಸಮಯವನ್ನು ನೆನಪಿಸಿಕೊಳ್ಳುತ್ತಿರುತ್ತಾರೆ. ಅಂದರೆ ಭೂತಕಾಲದಲ್ಲಿ ಇರುತ್ತಾರೆ ಇಲ್ಲವೇ ಭವಿಷ್ಯದಲ್ಲಿ ಇರುತ್ತಾರೆ.

ಆದರೆ ಸಂತೋಷವೆನ್ನುವುದು ವರ್ತಮಾನ ಕ್ಷಣದಲ್ಲಿದೆ, ಮತ್ತು ಅದೇ ನಿಮ್ಮ ನಿಜವಾದ ಸ್ವಭಾವವೂ ಕೂಡಾ ಆಗಿದೆ.